Пи-Ар зөвлөх үйлчилгээ

11233165_1535350209835653_397114967268419608_n

Олон улсын туршлагаас үзэхэд компаниуд зөвхөн өөрсдийн хэрэглэгч, ханган нийлүүлэгчид рүүгээ чиглэсэн үйл ажиллагаа явуулахаас гадна олон нийтэд хандсан төсөл, хөтөлбөрөөр дамжуулан нэр хүндээ өсгөх, бүтээгдэхүүнээ эерэг талаас нь сурталчилах болсон. Учир нь олон нийтийн харилцаа буюу Пи-Ар нь сурталчилгааны нэг хэсэг гэхээс илүү компанийг олон нийтэд таниулах бие даасан, нөлөө бүхий арга хэрэгсэл болон хөгжөөд байна.

Креатив воркшоп ХХК нь хэвлэл мэдээллийн байгууллагуудтай харилцах харилцаа, байгууллагын олон нийтийн харилцаа, хямралын үеийн удирдлага зэрэг үйлчилгээг та бүхэнд санал болгож байна.

Хэвлэл мэдээлэлтэй харилцах харилцаа

Монголын хэвлэл мэдээллийн салбар сүүлийн хорь гаруй жилийн хугацаанд эрчимтэй хувьсан өөрчлөгдөж хөгжсөөр ирсэн бөгөөд өнөөдөр нийт 131 сонин, 96 сэтгүүл, 74 радио болон 91 телевиз үйл ажиллагаа явуулж байна.

 

Хэвлэл мэдээллийн хэрэгслийн тоо олширч, сонголт нэмэгдснээр бизнесийн байгууллагууд үйл ажиллагаагаа тэлэх, бүтээгдэхүүнээ таниулах зэрэг олон таатай боломжийг эдлэж байгаа хэдий ч нөгөө талаас сөрөг үр дүн, эрсдлийг ямагт дагуулсаар байна.

 

Бид харилцагчиддаа бодит судалгаанд суурилсан, туршлагад үндэслэсэн, тухайн компанийн зорилтот зах зээлд нийцсэн хамгийн оновчтой сувгийг санал болгохыг зорин ажилладаг.

 

Мөн хэвлэл мэдээллийн салбарын томоохон төлөөлөл болох телевиз, сонин, сэтгүүл, вэб порталуудтай хамтран ажиллахын зэрэгцээ сошиал сувгийг түлхүү ашиглан үйлчилгээгээ үзүүлж байна.

Байгууллагын олон нийттэй харилцах харилцаа

Том төдийгүй жижиг, дунд хэмжээний компаниуд олон нийттэй харилцах харилцаандаа ихээхэн ач холбогдол өгөх болсон бөгөөд энэхүү харилцааг зөв зохион байгуулж, удирдан чиглүүлснээр компанийн үйл ажиллагаанд эерэгээр нөлөөлж амжилтанд хүрэхэд тодорхой хувь нэмэр оруулж байгааг хүлээн зөвшөөрч байна. Тийм ч учраас энэ чиглэлийн мэргэжлийн байгууллагын үйлчилгээг авах гэсэн эрэгт хэрэгцээ сүүлийн жилүүдэд нэмэгдсээр байна.

 

Креатив воркшоп ХХК нь байгууллагын нэр хүндийн бодлогыг тодорхойлж, хамтран ажиллаж байна.

Хямралын үеийн олон нийттэй харилцах харилцаа

Та жижиг ч бай том ч бай брэндтэй л ажиллаж байгаа бол хямрал үргэлж дэргэд отож байгаа гэдэгт эргэлзэх хэрэггүй. Сүүлийн үед сошиал сувгууд хүчээ авч байгаатай зэрэгцэн брэндийн талаарх санаатай, санаандгүй сөрөг мэдээлэл гэрлийн хурдаар тарах нөхцөл бүрдсэн. Тиймээс таны авах хариу арга хэмжээ мөн гэрлийн хурданд захирагдах хэрэгтэй болж байна.

 

Гэхдээ та бэлтгэлтэй байж, хурдан хугацаанд хариу арга хэмжээ авч чадах юм бол асуудлыг түргэн хугацаанд намжааж, заримдаа бүр давуу тал болгон ашиглаж ч болно.

 

Бид энэ чиглэлээр ажиллаж хуримтуулсан туршлагадаа тулгуурлан хямралын үеийн олон нийттэй харилцах харилцааны зөвлөх үйлчилгээг үзүүлж байна.